සිංහල ඕමි 2 හදන්න Allegro ගේම් එන්ජිම….

හමාලගේ විස්ස විද්‍යාලෙත් 17 වෙනකල් වහල හින්ද කාලයක් තිස්සෙ බාගෙට හදල නවත්තලා දාලා තිබ්බ වැඩක් ආයෙත් පටන් ගත්තා….. ඒක තමයි සිංහල ඕමි එකේ දෙවෙනි වර්ෂන් එක හෙවත් සිංහල ඕමි 2 හදන එක….. ඒක ගැන කියන්න කලින් සිංහල ඕමි 1 ගහල නැත්තම් මෙතනින් බාගෙන බලන්නකෝ…..

හමා සිංහල ඕමි හදල දැනට අවුරුදු තුනකටත් ලඟයි…. ඒ උණත් තාමත් හමාට සතියකට එක ඊමේල් එකක් වත් එනවා ඒක ගැන කියල….. ගොඩක් ම ඒවා එන්නෙ ඕමි කප්පිත්තන්ගෙන්…. ඒවගෙත් ගොඩක්ම ඒවයෙ තියෙන්නෙ හමාට බැනල….ගේම් එක හරියටම කොළ අදින්නෙ නෑ කියල….ඉතින් ඔය හැමෝගෙම අදහස් අරගෙන හදල මේ වෙනකොට ඕමි එකේ version 10 ක් ම තියෙනවා…..

ගොඩක් දෙනා ඕමි ඇල්ගොරිතමයේ වෙනස්කම් කරන්න ඕනි කියල තිබුණ හින්ද හමා හිතා ගත්තා අලුතින් ම ආපහු මුල ඉඳලම ගේම් එක හදන්න….. ඒකට හමා ඇල්ගොරිතමය ආපහු මුල ඉඳලම ලිව්වා…. දැනට ඒ වැඩේ නම් 75% ක් විතර ඉවරයි… අලුතින් හදන එකේ කලින් තිබුණට වඩා වැඩ ගොඩක් තියෙනවා….. වැදගත්ම එක තමයි ‘හාෆ් කෝට්’ ගැසීමේ පහසුකම…. තව ‘ඇදල ගැසීමේ’ පහසුකමත් හදන්න හිතාගෙන ඉන්නෙ…..

ඒ වගේම නෙට්වර්ක් ප්ලේ කරන්න පුලුවන් වෙන්නත් හදන්න හිතාගෙන ඉන්නෙ…. හැබැයි ඒ වැඩේ නම් හමා හිතාගෙන හිටියට වඩා ට අමාරුයි කියල දැනගත්තෙ ඒක කරන්න ගියාමයි……

අලුතින් හදන එකේ GUI එක හදන්න හමා Allegro කියන ගේම් library එක තෝරගත්තෙ….. හමා ඒකම තෝරගන්න විශේෂ හේතු කිහිපයක් ම තියෙනවා…..

පලවෙනි එක තමයි හමාගෙ ආසම ගේම් වලින් එකක් වන අයිසි ටවර් හදල තියෙන්නෙ Allegro වලින් වීම….. අයිසි ටවර් ගහපු මුල් දවසෙ ඉඳලා හමා ඒකෙ ග්‍රැපික්ස් වලට මාර ආසයි……

අනිත් එක Allegro කියන්නෙ ඕපන් සෝස් ප්‍රොජෙක්ට් එකක්…. ඒ වගේම ඒක ක්‍රොස් ප්ලැට්ෆෝම්…. ඒ කියන්නෙ Windows, Linux, Mac Os X ඕන එකක ඇලෙග්‍රෝ වැඩ….. හමා වැඩ කරන්නෙ උබුන්ටු වල හින්ද උබුන්ටු වල ගේම් එක හදල වැඩි මහන්සියක් නැතුවම ඒකම වින්ඩෝස් වල වැඩ කරන්නත් හදන්න පුලුවන්……

තව තව දේවල් තියෙනවා….. Allegro වලින් jpg, png එහෙම ලේසියෙන්ම ලෝඩ් කරන්න පුලුවන්, transparent කරන්න වගේ දේවල් Allegro වල සිම්පල්….. ඒ වගේම MIDI, ogg සවුන්ඩ් වුනත් ලේසියෙන්ම වගේ එකතු කරන්න පුලුවන්……

තාම ඉතින් සෙල්ලම් කරන්න පුලුවන් තරමට ගේම් එක හදල නෑ…. කොහොමත් වැඩ කරන්න පුලුවන් එකක් එන්න තව ටික කාලයක් යයි…. ඔය පහලින් දාල තියෙන්නෙ අලුතින් හදන interface එකේ ස්ක්‍රීංෂොට් එකක්….. තව තව අදහස් තියෙනවනම් කියල යන්නකෝ…….

ඇලෙග්‍රො ගැන තවත් දැන ගන්න ඕනි නම් මෙතනින් බලන්න……

Advertisements

අන්තිම කැමති පත්‍රය

ඊයේ රාත්තිරියේ නිදාගෙන ඉද්දි හමාගෙ ඔලුවට අමුතු අදහසක් ආවා….

අපි හැමෝම කවද හරි මැරෙනවනේ…. මැරෙන්න කලින් අපි අතින් වෙච්ච වැරදි කොච්චර තියනවද…? ඒ වෙච්ච වැරදි වලට කියෙන් කීදෙනාද ඒ ඒ අයගෙන් සමාව අරන් තියෙන්නෙ….?

ඒ වගේම ජීවත් වෙලා ඉන්න කාලෙ අපි කාටවත් කියන්න බැරුව හිතේ කොච්චර දේවල් හංගගෙන ඉන්නවද….? ආදරේ වගේ දේවල් සමහරු මැරෙනකල් ම හිතේ තියාගෙන ඉන්නවා නේද…..?

ඉතින් ඔය හිතේ තියෙන හැම දෙයක් ම මැරුණයින් පස්සෙ වලට ගෙනියන්නෙ නැතුව, ඒවා එලියට දාන්න ක්‍රමයක් නැද්ද…? තියෙනවා….. ඒකට තමයි කියන්නෙ අන්තිම කැමති පත්‍රය කියලා…. ඒ උණාට ගොඩක් අයට අන්තිම කැමති පත්‍රය ලියන්නත් හිතෙන්නෙ ගොඩක් ම වයසට ගියාට පස්සෙ නේ…..

ඉතින් හමා ට හිතුනා…. ඇයි ඒ වෙනුවෙන් වෙබ් සයිට් එකක් පටන් ගන්න පුලුවන් නේද කියලා…..

ජීවත් වෙලා ඉන්න කාලෙ ඕන කෙනෙක්ට පුලුවන් account එකක් හදාගෙන තමන්ගෙ අන්තිම කැමති පත්‍රය ලියල තියන්න….. තමන් මැරුණට පස්සෙ අනිත් අයට කියන්න තියෙන දේවල්….. ජිවත් වෙලා ඉන්න කාලෙ අනිත් අයට වෙච්ච වැරදි… ඕන දෙයක් මේකෙ ලියල තියන්න පුලුවන්….. අනික මැරුණට පස්සෙ කියන දේවල් වලින් තමන්ට වෙන හානියත් අඩුයි නෙ…..

ඉතින් කව්රු හරි account එකක් හදපු කෙනෙක් මැරුනට පස්සෙ අන්තිම කැමති පත්‍රය ගන්නෙ කොහොමද…? password එක දන්නෙ මැරුණ කෙනා විතරනෙ…. ඒකට වෙනම process එකක් ගේන්න ඕනි….

කව්රු හරි මැරුණම එයාගෙ අන්තිම කැමති පත්‍රය බලන්න ඕනි නම් ඒකට පුලුවන් එයාගෙ මරණ සහතිකය ඉදිරිපත් කරන්න…. එතකොට එයාගෙ මරණය confirm කරලා account  එක unlock කරන්න පුලුවන්…..

අනික මේ වෙබ් සයිට් එකෙන් මුදලක් හොයන්න ඕනි නම්, free account හදන්න දීලා, account එක unlock කරන්න මුදලක් ගන්න පුලුවන්…. අනික එතකොට unlock කරන්නෙ තමන් නොවන හින්ද ගොඩක් අය account හදන්නත් පෙලබෙන්නත් ඉඩ තියෙනවා… 🙂

තවත් ඕනි නම් මේ සයිට් එක පේස්බුක් එකටත් ලින්ක් කරන්න පුලුවන්….. එතකොට තවත් මෝ සෝෂල් එක්ස්පීරියන්ස්…..

ඉතින් හමා ඔය අදහසත් හිතේ තියාගෙන සීතලේ හොඳට පොරවගෙන නිදාගෙන උදේ පාන්දරම නැගිට්ට ගමන් අන්තර්ජාලෙ බැලුවා කව්රු හරි එහෙම එකක් හදල ද කියලා…. තාම නම් හමා ට එහෙම හදපු එකක් හම්බ උනේ නම් නෑ…..

ඉතින් හමා ට මේක බ්ලොග් එකට දාන්න හිතුනා…. කාට හරි මේක කියවලා, හිතෙනවනම් කරලා බලන්නෙ නැතැයි….. තව තව අදහස් තියෙනවනම් කියන්න…..

යුනිකෝඩ් එන්න කලින් හමා ලියපු කොක්ක (Hook before the Unicode)

මීට ටික කාලෙකට කලින්, ඒ කියන්නෙ සිංහල යුනිකෝඩ් කියන එක ජනප්‍රිය වෙන්න කාලෙකට කලින් වෙච්ච දෙයක් අද කියන්න යන්නෙ…. මුල්ම කාලෙ…. දැන් වගේ නෙමෙයි සිංහලෙන් ටයිප් කරන්න මාරම ගේමක් දෙන්න ඕනි… සිංහලෙන් හයියෙන් ටයිප් කරන්න පුලුවන් නම් කොමියුනිකේෂන් එකක් නිකන්ම දාගෙන හොඳ ගානක් හොයාගන්න හමාටත් තිබුණා…. ඒත් හමාට සිංහලෙන් තියා ඉංගිරිසියෙන් වත්, කීබෝඩ් එක බලන්නැතුව නම වත් ටයිප් කරගන්න බෑ ඒ දවස් වල…..

ඇයි මෙච්චරටම සිංහලෙන් ටයිප් කරන්න අමාරු ඒ දවස් වල….? සිංහලෙන් ගහද්දි ඉංගිරිසියෙන් වගේ නෙමෙයි, ඉස්පිලි, හල්පිලි, ඇලපිලි, පාපිලි මෙකී නොකී පිලි ගොඩක් තියෙනවා…. අනික එක එක අකුරෙන් අකුරට ඔය පිලි දාන විදිය වෙනස්…. ඉතින් ඔය අකුරු ඔක්කොම ගහන්න පුලුවන් යතුරු තියෙන කීබෝඩ් එකක් ලංකාවෙන් හැදුවොත් ඒක පැදුරක් විතර ලොකු වෙයි….

සුද්ද හදපු කීබෝඩ් එකට තියෙන අකුරු ඔක්කොම බස්සන්නත් බෑ නෙ…. ඒක හින්ද වැදගත්, නිතරම පාවිච්චි වෙන අකුරු ටික ලේසියෙන් ගන්න පුලුවන් වෙන විදියට ඉංගිරිසි අකුරු වෙනුවට පාවිච්චි කරන්නෙ….. හැබැයි ටයිප් කරන්න යද්දි අමාරුවෙ වැටෙන්නෙ “මි” යන්න හරි, “ම්” යන්න වගේ අකුරක් ගහන්න ගියහමයි….. මොකද ඒ අකුරු අර උඩින් ම තියෙන යතුරු වල නෑ…..

ඒ වෙලාවට මොකද කරන්නෙ….? ගොඩින් ම බේරෙන්න ඹ්නි නම්….. “ම” යන්න ගහල ” ි” පිල්ලත් ගහන්න පුලුවන් ඒක උඩින්ම….. ඉක්මනට කියවගෙන යද්දි වැඩිය වෙනසක් තේරෙන්නෙ නෑ…. හැබැයි ඕකෙ තියෙන අවුලක් තමයි “ම්” යන්නෙයි “මි” යන්නෙයි වෙනස හොයන්න බැරි එක…..

තව ක්‍රමයක් තමයි ටයිප් කරන්නෙ Word වල නම්, insert -> symbol ගිහිල්ල ඕනි අකුර තෝරන එක… හැබැයි ඒකත් ඉතින් ටයිප් කරද්දි මල වදයක්….

ඉතින් ඕකට තව ක්‍රමයක් තිබුණා….. ඕල්ට් කී එකත් එක්ක ඉලක්කමක් ඔබන එක….. එක තමයි හරි ම ක්‍රමේ….

හැබැයි ඉතින් ගහන්න ඕනි අකුරෙ ඉලක්කම කලින් දැනගෙන ඉන්න ඕනි…. උදාහරණයක් විදියට Alt එකත් එක්ක Num Pad එකේ 1, 3, 9 ඉක්මනට එබුවම “ම්”යන්න වදිනවා…. ඉතින් වේගෙන් ටයිප් කරන්න ඕනි කෙනෙක් ඉන්නවා නම් ඔය ඉලක්කම් ටිකයි අකුරු ටිකයි හොඳට මතක තියාගන්න ඕනි…. හමාගෙ නෑයො වෙන අයිය කෙනෙක් හිටිය කොමියුනිකේෂන් එකක් දාගෙන, එයා ඔය අකුරු වේගෙන් ගහනවා හමා ඉස්සර හරි ආසාවෙන් බලාගෙන ඉඳලත් තියෙනවා……

ඇත්තට ම කියනවනම් ඔය අකුරු ටික ඔක්කොම මතක තියාගෙන ඉන්න එක එසේ මෙසේ කාරියක් නෙමෙයි…. ඉතින් ඕය වැඩේ ලේසි වෙන්න ගොඩක් කට්ටිය එක එක සොෆ්ට්වෙයාර් හදල තිබුණ…. ඒකෙන් කරන්නෙ අකුරයි හල්කිරීමයි ගහපුවම අර හරියටම ගැලපෙන හල් අකුර වදින එක… උදාහරණයක් විදියට “ම” යන්නයි(U) හල් කිරීමයි(A) ගහපුවම “ම්” යන්න ඉබේම වදිනවා…. ආයෙත් ඉලක්කම් මතක තියාගන්න ඕනි නෑ…

KeyMan, KeyRep, Sinhala XP කිය කිය එක එක ජාතියෙ ඒව ඒ දවස් වල තිබුණ….. හැබැයි ඒ එකක් වත් නිකන් දෙන ඒව නෙමෙයි….. හමා ලගෙ ගෙවල් ලඟ අයිය කෙනෙක් හදල තිබුණ KeyRep කියල එකක්, එයා ඒක වික්කෙ 2500 ගානෙ…. අනිත් ඒවත් ඒකාලෙ ඒ ගනන් ම වගේ ඇති…..

ඉතින් හමාටත් හරි ආසාවක් තිබුණ ඒ වගේ සොෆ්ට්වෙයාර් එකක් හදන්න…. හැබැයි විකුනන්න නෙමෙයි, මොකද හමාට ප්‍රෝග්‍රැම් එකක් හරියට ලියන්න පුලුවන් වෙනකොට නිකන් දෙන ඔය වගේ ප්‍රෝග්‍රෑම් ඕන තරම් තිබුණ…. හමාලගෙ ගෙවල් ලඟ අයියත් එයා හදපු සොෆ්ට්වෙයාර් එක නිකන් දෙන්න පටන් අරගෙන තිබුනෙ…..

ආසාව තිබ්බට බෑ නෙ….. කරන විදියකුත් එපැයි…..

ඉතින් හමා ටිකක් කල්පනා කරනකොට තමයි ඒක ඇත්තටම වැඩ කරන විදිය කල්පනාවට ආවෙ……

සොෆ්ට්වෙයාර් එකෙන් ඇත්තටම කරන්නෙ පොඩි වැඩයි…. ඒක පැහැදිලි කරන්න අපි උදාහරණයක් ගමුකො…..

හිතන්න හමාට ඕනි “ම්” යන්න ගහන්න කියල….. එතකොට අර සොෆ්ට්වෙයාර් එක තියෙනවනම් හමා ඔබන්න ඕනි, U සහ A යතුරයි….. එතකොට සොෆ්ට්වෙයාර් එක “ම්” යන්න හෙවත් Alt + 139 කියන යතුරු ටිකට හරි යන අකුර පෙන්නන්න ඕනි….

හැබැයි හමා U සහ G එබුවොත් “මට” කියල වදින්නත් ඕනි….

U විතරක් එබුවොත් “ම” යන්න වැදිල තියෙන්නත් ඕනි….

U සහ A එබුවම අර වැදිල තියෙන “ම” යන්න නැතිවෙලා “ම්” යන්න වදින්න ඕනි…….

ඉතින් ඕකට සොෆ්ට්වෙයාර් එක කරන්නෙ අන්තිමට ගහපු යතුරු දෙක මතක තියාගෙන ඉන්න එකයි…. ඊට අමතරව සොෆ්ට්වෙයාර් එකේ පොඩි වගුවක් වගේ තියාගන්න ඕනි මෙන්න මෙහෙම….

U A 139
J A 138

ඔන්න ඔය වගේ එන්න පුලුවන් හැම අකුරකටම අදාල ඉලක්කම වගුවෙ තියෙන්න ඕනි…..

ඉතින් කිබෝඩ් එකේ මොකක් හරි යතුරක් එබුණ ගමන් ම… එබුණ යතුරයි, ඊට කලින් යතුරයි අර වගුවෙ තියෙනවද බලනවා…. වගුවෙ නැත්තම් නිකන් ඉන්නවා ඔබපු අකුර print වෙන්න දීල….

වගුවෙ තියෙනවනම් අපි දන්නවා print කරන්න ඕනි අකුර මොකක්ද කියල…. ඉතින් සොෆ්ට්වෙයාර් එකට තියෙන්නෙ Alt එකත් එක්ක අර ඉලක්කම් එබුන විදියට සිමියුලේට් කරන්න….

VB වල නම් ඒකට තියෙනවා SendKeys කියල method එකක්….

හැබැයි ඒ අකුර යවන්න කලින් කලින් අර කලින් වැදිල තියෙන අකුර අයින් කරල ඉන්න ඕනි… උදාහරණයක් විදියට U ඔබල A ඔබද්දි “ම” යන්න වැදිලනෙ තියෙන්නෙ…. ඉතින් “ම” යන්න අයින් කරල තමයි “ම්” යන්න දාන්න ඕනි…..

වැදිච්ච අකුර අයින් කරන්න කරන්න තියෙන්නෙ පොඩි දෙයයි…. Alt එකත් එක්ක අර ඉලක්කම යවන්න කලින්, SendKeys වලින් Backspace key event එකක් යවන්න… එතකොට කලින් තිබුණ අකුර මැකෙනවා….ඊට පස්සෙ SendKeys වලින් Alt එකත් එක්ක අර ඉලක්කම් එබුන විදියට සිමියුලේට් කරන්න……

ඕන්න එතකොට ලස්සනට “ම්” යන්න වැදිල තියෙනවා…. System එකේ ඔබන හැම කී එකක් ම බලාගෙන හිටියොත් Word වල විතරක් නෙමයි ඕන window එකක කිසි ප්‍රශ්ණයක් නැතුව ලේසියෙන් ටයිප් කරන්න පුලුවන්…..

ඉතින් ඔය අයිඩියා එකත් එක්ක හමා හදන්න ගත්තා සොෆ්ට්වෙයාර් එකක් Open Sinhala KeyMan කියල….. හමා C වලට ආස හින්ද C වලින් තමයි ලියන්න ගත්තෙ….. ඕන නම් කාටහරි VB වලිනුත් ටිකක් ලේසියෙන්ම මේ වගේ එකක් හදන්න පුලුවන්…..

හදන්න ගත්තම ඉස්සෙල්ලාම කරන්න ඕනි System එකේ ඔබන හැම key එකක් ම monitor කරන එක නෙ…… ඉතින් ඒකට තමයි Windows වල තියෙන hooks පාවිව්වි කරේ….. Hooks වලින් වෙන හැම event එකක්ම බලන්න පුලුවන්….. වැඩිදුර විස්තර ඹ්නි නම් විකීපීඩියා බලන්න…..

ඉස්කෝලෙ වැඩත් තිබුණ නිසා හමාට වැඩේ ඉවරෙටම හදලා දාන්න බැරි උණා….. බාගෙට ලියපු කෝඩ් එකක් තියෙනවා කාටහරි ඕනි කියල හිතෙනවනම් බා ගන්න…..

හමා මේ කියල තියෙන්නෙ කරන්න පුලුවන් එක ක්‍රමයක් විතරයි…. තව තව ක්‍රම තියෙනවා… අනික බලන්න ඕනි අන්තිම keys විතරක් නෙමයි…. මොන වගේ window එකකද keys යන්නෙ වගේ දේවලුත් බලන්න ඕනි….. ඒව ඉතින් අයිසිං….. මේක තමයි කේක් එක….

අදහස් තියෙනවනම් හමා ටත් කියන්න……..

%d bloggers like this: