තුඃ නොදකින් උබුන්ටු….

හමා වින්ඩෝස් වලට බයි බායි කියල තනිකරම උබුන්ටු වලට මාරු වෙලා දැනට අවුරුද්දක් විතර වෙනවාමෙච්චර කාලෙකට හමාට කිසිම ප්‍රශ්ණයක් තිබුනෙ නෑහමාගේ පණ වගේ තියෙන Dual Core 2 GHz ලැප් එකේ වින්ඩෝස් වලට වඩා හොඳට උබුන්ටු වැඩගෙදර තියෙන ඩෙස්ක්ටොප් එකෙත් කිසිම කරදරයක් නැතුව දැන් අවුරුදු ගානක ඉඳලා දුවන්නෙ උබුන්ටු 9.04….

 

උබුන්ටු කියන්නෙ වින්ඩෝස් වගේ අවුරුදු දෙක තුනකට සැරයක් අලුත් වර්ශන් එන එකක් නෙමෙයිහැම මාස 6 කටම සැරයක් උබුන්ටු වල අලුත් වර්ශන් එකක් එනවාඉතින් ඔය අලුතින් ම ආපු එක තමයි උබුන්ටු 11.04 කියන්නෙඑහෙම නැත්නම් ඕකට නැටී නාර්වාල්“(Natty Narwhal) කියලත් කියනවා

 

ඔය උබුන්ටු වල නම් දාන එකෙත් විශේෂත්වයක් තියෙනවා… 11.04 කියන්නෙ 2011 හතරවෙනි මාසෙ රිලීස් උණා කියන එකආපහු වර්ශන් එකක් එන්නෙ තව මාස 6කින් නිසා ඒක 11.10 වෙයිඅනිත් එක තමයි ඔය නික් නේම් එකඒක දාන්නෙ මොකක් හරි සතෙක්ගෙ නමක්ඔය Narwhal කියන්නෙ මාලුවෙක්ට… Natty කියන්නෙ ඌට දාල තියෙන විශේෂණ පදයඋදාහරණයක් විදියට කලින් ආපු උබුන්ටු වර්ශන් තමයි Breezy Badger, Hardy Heron, Intrepid Ibex, Maverick Meerkat… කොටින්ම කිව්වොත් හරියට සිංහලෙන් පිස්සු පූසා” , “කණ කොකාවගේ නම් තමයි දාන්නෙඕකෙ අකුරු යන්නෙත් ඉංගිරීසි අකාරාදි පිලිවෙලට

 

ඉතින් ඔය අලුතින් ම ආපු 11.04 දාගන්නකල් හමාටත් හෙණ අමාරුවක් තිබුණෙමේ දවස් වල කැම්පස් යන්නෙත් නැති හින්ද Airtel, 45 රීලෝඩ් දෙකක්ම දාගෙන (ගිගාබයිට් 3ක්..) හා හා පුරා කියල වැඩේට බැස්සාකොහොමහරි වරුවක් විතර මහන්සිවෙලා අන්තිමට උබුන්ටු අලුත් එකයි සොෆ්ට්වෙයාර් ටිකයි දාගත්තා

 

අනේ අපරාදෙ කියන්න බෑදාගත්ත විතරයි මහ ලෙඩ ගොඩයිවයර්ලස් වැඩ නෑඒක නම් යන්තම් හදාගත්ත කියමුකො, ඒ පාර වෙබ් කැම් එක වැඩ නෑහැබැයි ඉන්ටර්නෙට් යන්න බට්ටා (ඩොන්ගල් එක) ගහපු ගමන් මෙන්න බොලේ Web Cam එකේ ලයිට් එක පත්තු වෙනවා….!!!

 

ඒ මදිවට තිබ්බ මෙනු එකත් වෙනස් කරලාඒකෙ මොකක් හරි ඇප්ලිකේශන් එකක් හොයන්න ගියාම හරි අමාරුවක වැටෙන්නෙඅනික Menu එක අපිට ඕනි විදියට customize කරන්නත් බෑ

 

ඔය ඔක්කොටම වඩා තියෙන ලොකුම ප්‍රශ්නෙ තමයි machine එක හිටපු ගමන් stuck වෙන එක… vlc එකේ ෆිල්ම් එකක් බැලුවත් ස්ටක්, කොටින්ම කිව්වොත් සමහරවෙලාවට screen-saver එක යද්දිත් මැෂීන් එක stuck…

 

හමාට කවදාවත් මේ වගේ දුකක් දැනිල නෑඅඩුම ගානෙ I එක ආපු වෙලාවෙ වත් මෙච්චර හිතේ අමාරුවක් තිබුණෙ නෑ

 

ඉතින් හමා මේ විස්තරේ ලිව්වෙ කව්රු හරි කෙනෙක් උබුන්ටු අලුත් වර්ශන් එක දාගන්න හිතාගෙන ඉන්නව නම් එපා කියන්නදා ගන්නව නම් කලින් එක, 10.10 දාගන්න, ඒක එල නැත්තම් ඊලඟ එක 11.10 එනකල් ඉන්නඒකෙ ඔය දැනට තියෙන අවුල් ගොඩක් හදල තියෙයි…. අදහස් තියෙනවනම් කියල යන්න

 

Advertisements

සිංහල ඕමි 2 හදන්න Allegro ගේම් එන්ජිම….

හමාලගේ විස්ස විද්‍යාලෙත් 17 වෙනකල් වහල හින්ද කාලයක් තිස්සෙ බාගෙට හදල නවත්තලා දාලා තිබ්බ වැඩක් ආයෙත් පටන් ගත්තා….. ඒක තමයි සිංහල ඕමි එකේ දෙවෙනි වර්ෂන් එක හෙවත් සිංහල ඕමි 2 හදන එක….. ඒක ගැන කියන්න කලින් සිංහල ඕමි 1 ගහල නැත්තම් මෙතනින් බාගෙන බලන්නකෝ…..

හමා සිංහල ඕමි හදල දැනට අවුරුදු තුනකටත් ලඟයි…. ඒ උණත් තාමත් හමාට සතියකට එක ඊමේල් එකක් වත් එනවා ඒක ගැන කියල….. ගොඩක් ම ඒවා එන්නෙ ඕමි කප්පිත්තන්ගෙන්…. ඒවගෙත් ගොඩක්ම ඒවයෙ තියෙන්නෙ හමාට බැනල….ගේම් එක හරියටම කොළ අදින්නෙ නෑ කියල….ඉතින් ඔය හැමෝගෙම අදහස් අරගෙන හදල මේ වෙනකොට ඕමි එකේ version 10 ක් ම තියෙනවා…..

ගොඩක් දෙනා ඕමි ඇල්ගොරිතමයේ වෙනස්කම් කරන්න ඕනි කියල තිබුණ හින්ද හමා හිතා ගත්තා අලුතින් ම ආපහු මුල ඉඳලම ගේම් එක හදන්න….. ඒකට හමා ඇල්ගොරිතමය ආපහු මුල ඉඳලම ලිව්වා…. දැනට ඒ වැඩේ නම් 75% ක් විතර ඉවරයි… අලුතින් හදන එකේ කලින් තිබුණට වඩා වැඩ ගොඩක් තියෙනවා….. වැදගත්ම එක තමයි ‘හාෆ් කෝට්’ ගැසීමේ පහසුකම…. තව ‘ඇදල ගැසීමේ’ පහසුකමත් හදන්න හිතාගෙන ඉන්නෙ…..

ඒ වගේම නෙට්වර්ක් ප්ලේ කරන්න පුලුවන් වෙන්නත් හදන්න හිතාගෙන ඉන්නෙ…. හැබැයි ඒ වැඩේ නම් හමා හිතාගෙන හිටියට වඩා ට අමාරුයි කියල දැනගත්තෙ ඒක කරන්න ගියාමයි……

අලුතින් හදන එකේ GUI එක හදන්න හමා Allegro කියන ගේම් library එක තෝරගත්තෙ….. හමා ඒකම තෝරගන්න විශේෂ හේතු කිහිපයක් ම තියෙනවා…..

පලවෙනි එක තමයි හමාගෙ ආසම ගේම් වලින් එකක් වන අයිසි ටවර් හදල තියෙන්නෙ Allegro වලින් වීම….. අයිසි ටවර් ගහපු මුල් දවසෙ ඉඳලා හමා ඒකෙ ග්‍රැපික්ස් වලට මාර ආසයි……

අනිත් එක Allegro කියන්නෙ ඕපන් සෝස් ප්‍රොජෙක්ට් එකක්…. ඒ වගේම ඒක ක්‍රොස් ප්ලැට්ෆෝම්…. ඒ කියන්නෙ Windows, Linux, Mac Os X ඕන එකක ඇලෙග්‍රෝ වැඩ….. හමා වැඩ කරන්නෙ උබුන්ටු වල හින්ද උබුන්ටු වල ගේම් එක හදල වැඩි මහන්සියක් නැතුවම ඒකම වින්ඩෝස් වල වැඩ කරන්නත් හදන්න පුලුවන්……

තව තව දේවල් තියෙනවා….. Allegro වලින් jpg, png එහෙම ලේසියෙන්ම ලෝඩ් කරන්න පුලුවන්, transparent කරන්න වගේ දේවල් Allegro වල සිම්පල්….. ඒ වගේම MIDI, ogg සවුන්ඩ් වුනත් ලේසියෙන්ම වගේ එකතු කරන්න පුලුවන්……

තාම ඉතින් සෙල්ලම් කරන්න පුලුවන් තරමට ගේම් එක හදල නෑ…. කොහොමත් වැඩ කරන්න පුලුවන් එකක් එන්න තව ටික කාලයක් යයි…. ඔය පහලින් දාල තියෙන්නෙ අලුතින් හදන interface එකේ ස්ක්‍රීංෂොට් එකක්….. තව තව අදහස් තියෙනවනම් කියල යන්නකෝ…….

ඇලෙග්‍රො ගැන තවත් දැන ගන්න ඕනි නම් මෙතනින් බලන්න……

අන්තිම කැමති පත්‍රය

ඊයේ රාත්තිරියේ නිදාගෙන ඉද්දි හමාගෙ ඔලුවට අමුතු අදහසක් ආවා….

අපි හැමෝම කවද හරි මැරෙනවනේ…. මැරෙන්න කලින් අපි අතින් වෙච්ච වැරදි කොච්චර තියනවද…? ඒ වෙච්ච වැරදි වලට කියෙන් කීදෙනාද ඒ ඒ අයගෙන් සමාව අරන් තියෙන්නෙ….?

ඒ වගේම ජීවත් වෙලා ඉන්න කාලෙ අපි කාටවත් කියන්න බැරුව හිතේ කොච්චර දේවල් හංගගෙන ඉන්නවද….? ආදරේ වගේ දේවල් සමහරු මැරෙනකල් ම හිතේ තියාගෙන ඉන්නවා නේද…..?

ඉතින් ඔය හිතේ තියෙන හැම දෙයක් ම මැරුණයින් පස්සෙ වලට ගෙනියන්නෙ නැතුව, ඒවා එලියට දාන්න ක්‍රමයක් නැද්ද…? තියෙනවා….. ඒකට තමයි කියන්නෙ අන්තිම කැමති පත්‍රය කියලා…. ඒ උණාට ගොඩක් අයට අන්තිම කැමති පත්‍රය ලියන්නත් හිතෙන්නෙ ගොඩක් ම වයසට ගියාට පස්සෙ නේ…..

ඉතින් හමා ට හිතුනා…. ඇයි ඒ වෙනුවෙන් වෙබ් සයිට් එකක් පටන් ගන්න පුලුවන් නේද කියලා…..

ජීවත් වෙලා ඉන්න කාලෙ ඕන කෙනෙක්ට පුලුවන් account එකක් හදාගෙන තමන්ගෙ අන්තිම කැමති පත්‍රය ලියල තියන්න….. තමන් මැරුණට පස්සෙ අනිත් අයට කියන්න තියෙන දේවල්….. ජිවත් වෙලා ඉන්න කාලෙ අනිත් අයට වෙච්ච වැරදි… ඕන දෙයක් මේකෙ ලියල තියන්න පුලුවන්….. අනික මැරුණට පස්සෙ කියන දේවල් වලින් තමන්ට වෙන හානියත් අඩුයි නෙ…..

ඉතින් කව්රු හරි account එකක් හදපු කෙනෙක් මැරුනට පස්සෙ අන්තිම කැමති පත්‍රය ගන්නෙ කොහොමද…? password එක දන්නෙ මැරුණ කෙනා විතරනෙ…. ඒකට වෙනම process එකක් ගේන්න ඕනි….

කව්රු හරි මැරුණම එයාගෙ අන්තිම කැමති පත්‍රය බලන්න ඕනි නම් ඒකට පුලුවන් එයාගෙ මරණ සහතිකය ඉදිරිපත් කරන්න…. එතකොට එයාගෙ මරණය confirm කරලා account  එක unlock කරන්න පුලුවන්…..

අනික මේ වෙබ් සයිට් එකෙන් මුදලක් හොයන්න ඕනි නම්, free account හදන්න දීලා, account එක unlock කරන්න මුදලක් ගන්න පුලුවන්…. අනික එතකොට unlock කරන්නෙ තමන් නොවන හින්ද ගොඩක් අය account හදන්නත් පෙලබෙන්නත් ඉඩ තියෙනවා… 🙂

තවත් ඕනි නම් මේ සයිට් එක පේස්බුක් එකටත් ලින්ක් කරන්න පුලුවන්….. එතකොට තවත් මෝ සෝෂල් එක්ස්පීරියන්ස්…..

ඉතින් හමා ඔය අදහසත් හිතේ තියාගෙන සීතලේ හොඳට පොරවගෙන නිදාගෙන උදේ පාන්දරම නැගිට්ට ගමන් අන්තර්ජාලෙ බැලුවා කව්රු හරි එහෙම එකක් හදල ද කියලා…. තාම නම් හමා ට එහෙම හදපු එකක් හම්බ උනේ නම් නෑ…..

ඉතින් හමා ට මේක බ්ලොග් එකට දාන්න හිතුනා…. කාට හරි මේක කියවලා, හිතෙනවනම් කරලා බලන්නෙ නැතැයි….. තව තව අදහස් තියෙනවනම් කියන්න…..

%d bloggers like this: